Námskeið og fræðsla
einstaklingar, hópar og vinnustaðir
Hlutverkastjórnun
og jafnvægi í daglegri iðju
stað- og fjarnámskeið
Veldu þér hlutverk sem hafa jákvæð áhrif á heilsuna þína!
Farið er yfir áhrif streitu á taugakerfið, skynnæmi líkamans og hvaða bjargráð geta reynst gagnleg heima, í vinnu og við tómstundir til að ná betri orkustjórnun gegnum ólík hlutverk. Sjá nánar >>>
Vellíðan og heilsa
gigt, verkir, stoðkerfisvandi, orkuleysi og síþreyta
Ertu að kljást við gigt, verki, orkuleysi eða stoðkerfisvanda? Lærðu að stuðla að meiri vellíðan, hreyfingu og heilsu þrátt fyrir gigt, verki, stoðkerfisvanda, síþreytu og orkuleysi. Fræðsla og kennsla í verkjastillandi, orkusparandi og styrkjandi aðferðum.
Konur á rófinu
- sjálfsstyrkingarnámskeið fyrir einhverfar konur eða konur með grun um að vera á rófinu.
Námskeið fyrir konur á rófinu (hún, kvár/hán með leg, transkonur á kvenhormónum) þar sem fram fer fræðsla, verkefni og umræður fyrir konur á einhverfurófi tengt líðan, félagsþátttöku og áhrif hormóna á heilsu og færni við iðju.
Námskeiðið byggir á valdeflandi nálgun, styrkleikum og jafningjastuðningi.
Fingrafar
- sjálfsstyrkingarnámskeið fyrir öll kyn
16 ára og eldri með taugafræðilegri nálgun
Fingrafar er sjálfsstyrkingarnámskeið fyrir fólk sem er með grun eða greiningar eins og kvíða, lágt sjálfsmat, ADHD, einhverfurófið, félagskvíða, þunglyndi, long-covid eða annað sem veldur að skynjun líkamans dregur úr færni í daglegri iðju (skynsegin/taugsegin). Áherslur á námskeiðinu eru taugakerfið, skynjun gegnum skynfærin og neikvæð áhrif skynúrvinnslu á færni við iðju, skerta tímastjórnun, orkustjórnun og athygli.
Unglingsstelpur á rófinu
- sjálfsstyrkingarnámskeið fyrir
13 - 17 ára stelpur með greiningu eða grun um að vera á einhverfurófi.
Unglingsstelpur á rófinu (hún, stálp með leg, transstelpur á kvenhormónum) er sjálfsstyrkingarnámskeið.
Markmið námskeiðsins er að auka skilning á innri líðan stelpna sem eru með greiningu eða grun um að vera á einhverfurófi til að geta betur mætt sínum þörfum og styrkleikum til að auka eigin vellíðan og heilsu á viðkvæmum aldri.
Nóg er að verða 13 ára á árinu og í lagi að verða 18 ára á árinu, það er afmælisárið sem telur. Sjá nánar>>>
Stelpur á rófinu 9 - 12 ára
- sjálfsstyrkingarnámskeið fyrir stelpur með greiningu eða grun um að vera á einhverfurófi.
Stelpur á rófinu (hún, stálp með leg, transstelpur á kvenhormónum) er sjálfsstyrkingarnámskeið.
Markmið námskeiðsins er að auka skilning á innri líðan stelpna sem eru með greiningu eða grun um að vera á einhverfurófi til að geta betur mætt sínum þörfum og styrkleikum til að auka eigin vellíðan og heilsu.
Nóg er að verða 9 ára á árinu og í lagi að verða 13 ára á árinu, það er afmælisárið sem telur.
Skynvitund
skynjun og skynúrvinnsla líkamans
Farið yfir skynfæri líkamans, hlutverk skynjunar og áhrif hennar á líðan. Aukin þekking á skynvitund stuðlar að aukinni meðvitund um eigin heilsu og vellíðan. Nánari upplýsingar um fyrirlesturinn og námskeið á vegum Heimastyrks fást á netfanginu heimastyrkur@heimastyrkur.is
Líkamsbeiting og vinnuvernd
Fræðsla, ráðgjöf og leiðbeiningar fyrir starfsfólk sem vinnur störf sem hafa áhrif á líkamann og heilsuna.
Tilgangur þjónustu er að draga úr stoðkerfisvanda og álagi við framkvæmd starfa og hvetja til heilsueflingar og vellíðan.
Nánari upplýsingar um fyrirlestur og námskeið fást á netfanginu
Iðja, heilsa og umhverfi
eftir starfslok
- heilsuefling á efri árum
Fræðsla, ráðgjöf og leiðbeiningar um hvernig er hægt að stuðla að góðri heilsu og uppbyggilegri iðju eftir sextugt. Farið er yfir þau áhrif sem viðhorf, umhverfi og iðja getur haft á vellíðan, heilsufar, félagslega þátttöku og sjálfsbjargargetu. Tilgangur fræðslu er að stuðla að athafnasömu og heilsusamlegu líferni á efri árum. Nánari upplýsingar um fyrirlesturinn og aðra fyrirlestra sem eru í boði á vegum Heimastyrks fást á netfanginu heimastyrkur@heimastyrkur.is
Heilahreysti
minnisþjálfun og heilaleikfimi
Fræðsla, kennsla og leiðbeiningar fyrir fullorðna til að huga vel að heilsu heilans og heilahreysti. Fræðsla um starfsemi heilans og kennsla til að auka heilahreysti og minnisþjálfun gegnum ólíkar æfingar og gagnlegar aðferðir. Tilgangur fræðslu er að draga úr álagi og streitu og auka færni við einbeitningu, minni og vinnsluhraða heilans. Tilvalið fyrir vinnustaði og félagasamtök. Nánari upplýsingar um fyrirlesturinn og aðra fyrirlestra sem eru í boði hjá Heimastyrk fást á netfanginu heimastyrkur@heimastyrkur.is
