Vellíðan og heilsa
Gigt, verkir, stoðkerfisvandi, síþreyta og/eða orkuleysi
Er gigt, verkir eða orkuleysi að hrjá þig?
Lærðu að stuðla að meiri vellíðan, hreyfingu og heilsu þrátt fyrir gigt, verki, stoðkerfisvanda, orkuleysi og síþreytu. Fræðsla, kennsla og ráðgjöf tengt verkjastillandi, orkusparandi og styrkjandi aðferðum við ýmsa iðju heima og í vinnu til að styðja við iðju án verkja og stuðla að meiri vellíðan, hreyfingu og heilsu. Fjallað er um líkamann í heild, taugakerfið og vinnuvernd en sérstök áhersla lögð á hendur og handafærni þar sem mikið af iðju dagsins er gerð með höndunum. Hentar vel þeim sem eru með króníska verki, síþreytu og orkuleysi, gigt í liðum, stoðkerfisvanda, hafa lent í slysum á hendi eða með lítinn kraft í höndum.
Guðrún Hallgríms iðjuþjálfi á langa og farsæla reynslu af því að veita einstaklingum með skerta heilsu og orku, verki og stoðkerfisvanda ráðgjöf, þjálfun og þjónustu með mjög góðum árangri en býður nú upp á námskeið með meiri áherslu á fræðslu, verklegar æfingar lágmark 3x í viku og verkefnavinnu á milli tíma til að stuðla að meiri árangri til lengri tíma og valdeflingu í eigin heilsueflingu.
Arna Björk Sveinsdóttir er með BA í félagsfræði og er viðurkenndur yogakennari hefur umsjón með æfingunum á netinu vikulega.
Innifalið er búnaður sem nýtist á námskeiðinu og heima fyrir æfingar og til að verkjastilla.
Námskeiðið er 7 vikur og fer fram með eftirfarandi hætti:
a) Upphafstími 2 klst - fræðsla, heilsukönnun - upphafsmat, stöðvaþjálfun (stöðupróf), æfingabúnaður útskýrður fyrir vikulega þjálfun á netinu að heiman og umræður.
b) Vikulegt fræðsluefni með stuttri könnun í lok hverrar fræðslu til að styðja þátttakendur í að tileinka sér heilbrigðara viðhorf í eigin garð og við daglega iðju innan heimilis, í vinnu og tómstundum:
- líkamsbeiting og vinnuvernd við ólíka iðju
- orku hvetjandi aðferðir og orkusparandi vinnuaðferðir
- verkjastillandi aðferðir
- mikilvægi tilgangsmikillar iðju
- félagsleg heilsa
- jafnvægi í daglegri iðju
c) Vikulegar æfingar, slökun og núvitund á netinu / Teams í viku 2 til 6 á þriðjudögum kl. 12:30-13:15 og föstudögum kl. 12:30-13:15.
d) Viðbótar æfingarmyndbönd á netinu til að fylgja 2-3x í viku á eigin vegum, hægt að velja um ólík áreynslustig eftir þörfum.
e) Vikuleg verkefnablöð sem stuðla að meðvitund um eigin heilsu og leiðir til að takast á við ýmis verkefni með markvissum hætti og aðlögun ef þörf er á, það er með breyttri nálgun út frá valdeflandi hugmyndafræði.
f) Einstaklingsviðtöl innan 2 vikna frá upphafi námskeiðs og aftur í lok námskeiðsins.
g) Lokatími 2 klst í sal eða á netinu fyrir þau sem komast ekki í salinn í Hafnarfirðinum þar sem gerð er samantekt á þeirri fræðslu sem hefur farið fram, stöðupróf endurtekið frá 1 tíma og heilsukönnun - endurtekin, umræður og næstu skref tengt eigin vellíðan og heilsu.
Námskeiðsverð 49.900 kr, hægt að kanna með styrki hjá stéttarfélögum. Skráning fer fram hér.
Næstu námskeið:
Vikulega á þriðjudögum frá 31. mars til 12. maí 2025
Námskeiðið fer fram á þriðjudögum í st. Jó eða á zoom
- upphafstími 31. mars kl. 13:30-15:30 í st. Jó og á Zoom
- lokatími 12. maí kl. 13:30-15:30 í st. Jó og á Zoom
- aðrir tímar eru eingöngu á netinu á þriðjudögum og föstudögum milli kl. 12:30-13:15 í umsjón Örnu Björk og viðbótartímar tengt handaþjálfun og ráðgjöf með Guðrúnu iðjuþjálfa.
Umsjón:
Guðrún Hallgrímsdóttir B.S. í iðjuþjálfunarfræði. Hún hefur auk þess lokið diplómu á meistarastigi í handleiðslufræðum, er með MA í öldrunarfræðum (NordMaG) ásamt því að hafa sótt ýmis hagnýt námskeið tengt t.d. skynjun og taugafræði, tengsl- og tengslamyndun, sjálfsmynd, áhugahvetjandi samtal, samkennd í eigin garð, leiklist, tímastjórnun, HAM fyrir fagfólk, breytingastjórnun og verkefnastjórnun.
Arna Björk Sveinsdóttir Ayurveda yogakennari og með BA í félagsfræði frá Háskóla Íslands.
Umsagnir þátttakenda á námskeiðinu Vellíðan og heilsa
Ég hef verið á nokkrum námskeiðum og engin af þeim hentaði mér eins vel og þetta. Námskeiðið hefur líka hjálpað mér og sýnt jákvæða breytingar gagnvart líkamanum, hreyfingu og vellíðan í lífi með króníska verki og veikindi.
Æfingarnar hafa haft jákvæð áhrif á hendurnar mínar.
Frábær og fjölbreytt umfjöllun um mismunandi leiðir til að viðhalda heilsunni.
Frábært námskeið og takk æðislega fyrir mig.
Naut hverrar heimsóknar hvort sem það var á netinu eða í Hafnarfirðinum, hefði alveg verið til í fleiri tíma.
Takk fyrir gagnlegt og gott námskeið.
Vel upp sett og skipulagt námskeið sem nýtist vel. Flott að fá glærur og æfingar til að geta prentað út og minnt sig á.
Skemmtilegt og mjög gagnlegt námskeið, ég tek margt með mér sem ég mun reyna að einbeita mér í framhaldinu.
Mjög uppbyggilegt, fróðlegt. Fær mann að hugsa til að gera öll dagleg verkefni auðveldari. Takk fyrir mig.
Stutt námskeið en tíminn var vel nýttur og ég græddi mikið á námskeiðinu og get notfært mér það. Gott að fá hjálpartækin, það kemur manni fyrr af stað í að gera æfingarnar.
Mjög góð yfirferð um efnið hvernig það nýtist í verki og punktar sem nýtast við að einfalda lífið.
Fannst námskeiðið mjög gott og gagnlegt.
Eftir að hafa setið þetta námskeið hvet ég alla til að nýta ser það. Guðrún er yfirveguð, fagleg og með ástríðu fyrir sínum verkum. Þar af leiðandi leggur hún sig alla fram í að koma sem mestum fróðleik til þín.
Mjög uppbyggilegt, fróðlegt. Fær mann að hugsa til að gera öll dagleg verkefni auðveldari. Takk fyrir mig.
Gott námskeið. Fullt af gagnlegum hlutum sem ég kem til með að nota áfram.
Mjög gott námskeið, frábært að hafa námskeiðshaldara sem hefur reynt á eigin skinni hvernig er að vera með verki og miðlar af eigin reynslu. Hefði ekki trúað fyrirfram að ég myndi finna svona mikinn mun á því og þegar fólk sem ekki hefur sjálft verið með verki er að ráðleggja manni. Þú ert líka svo raunsæ varðandi það hversu hægt getur gengið að breyta venjum, það er engin pressa, bara hvatning til að gera sitt besta til að finna réttu leiðirnar. Takk fyrir mig kærlega!
Frábært námskeið sem opnar svo vel augun fyrir einföldum og góðum lausnum. Takk fyrir mig 👍
Mjög flott námskeið.
Gott og gagnlegt fyrir alla.
Frábært námskeið sem maður fékk hugmyndir og ráð fyrir sjálfshjálp.
Guðrún er mjög fær kennari. Ég er mjög ánægð ❤️