Konur á rófinu
Sjálfsstyrkingarnámskeið ætlað konum og kynsegin einstaklingum sem eru á einhverfurófi eða með grun um að vera á rófinu.
Sjálfsstyrkingarnámskeið fyrir einhverfar konur eða konur með grun um að vera á einhverfurófi upp á sérsniðið námskeið að þeirra þörfum hjá Heimastyrk.
Námskeiðið er 12 skipti, það er 3x í viku í 4 vikur, 1x í viku í Lífsgæðasetrinu St. Jó í Hafnarfirði og á zoom fyrir þau sem komast ekki salinn á kl. 13-15 og 2x í viku á netinu tengt slökunaræfingum og mjúku yogaflæði.
Til viðbótar er viðtal í upphafi til að greina þarfir þátttakenda og í lok námskeiðsins til að styðja þátttakendur í að móta sín næstu skref tengt endurkomu í nám og/eða starf út frá þeirri þekkingu og reynslu sem þátttakendur taka með sér að námskeiðinu loknu.
Fræðslan er sérsniðin að þörfum kvenna á rófinu eða með grun um að vera á rófinu og byggir á fræðilegu efni um konur sem eru á einhverfurófi ásamt verkefnavinnu sem styður við aukinn sjálfsskilning, samkennd í eigin garð og færni við iðju. Tekið er sérstaklega mið af þörfum og líðan kvenna á námskeiðinu og þær vinna verkefni sem hafa það markmið að efla færni við iðju og finna persónulegar leiðir til að ná meiri árangri þrátt fyrir áskoranir tengt einkennum einhverfu.
Þátttöku fylgir aðgengi að viðbótarfræðslu, myndböndum og öðrum gagnlegum upplýsingum og verkefni til að ná betri tökum á eigin líðan, orkustjórnun og markmiðasetningu tengt endurkomu í nám eða vinnu þar sem styrkleikar þeirra og hæfileikar fá að njóta sín og þær læra að taka tillit til og mæta þörfum sínum og áskorunum sem geta reynst hindrun til að ná að sinna daglegu lífi, ólíkum hlutverkum og upplifa jafnvægi í daglegri iðju, innan og utan heimilis.
Fræðsla, verkefni og umræður fyrir konur á einhverfurófi tengt líðan, félagsþátttöku og áhrif hormóna. Námskeiðið byggir á valdeflandi nálgun og jafningjastuðningi.
Námskeiðskostnaður er 89.500 kr, hægt er að kanna með styrki hjá stéttarfélögum.
Næstu námskeið hefjast:
Mánudaga 11. maí til 8. júní kl. 13:00-15:00 (athugið ekki tími 25. maí þar sem það er frídagur).
Skráning fer fram hér.
English course advertised later.
Registrastration linked here.
Umsjón með námskeiðinu hefur Guðrún Hallgrímsdóttir iðjuþjálfi með diplómu á meistarastigi í handleiðslufræðum sem býr að áralangri reynslu af þjónustu og samstarfi við einstaklinga á ólíkum aldri, fjölskyldur og öll kyn sem eru með greiningar eða grun um að vera á einhverfurófi og mögulega líka með ADHD og áskoranir í skynúrvinnslu tengt hljóði, birtu, lykt, bragði, snertingu og öðrum fylgiröskunum eins og t.d. málþroskaröskun (DLD), Ehlers-Danslos syndrome (EDS), POTS og fleiri áhrifaþætti á heilsu, vellíðan og færni við iðju.
Umsagnir þátttakenda á námskeiðinu Konur á rófinu:
Mèr fannst þetta frábært námskeið í alla staði og hjálpaði mér að skilja hausinn á mér og tilfinningar mínar betur. Finnst ekki eins og ég sé ein lengur.
Elska námskeiðið, elska allar sögurnar þær hjálpa að setja í samhengi og tengja við. Brjálæðislega næs að fá validation á hvernig man er❤️ fattaði að eg var orðin ágæt í að managa skynseginleikanum fyrir veikindin en hef átt erfitt með acceptanceið eftir veikindin.
Margir punktar sem komu á óvart og sem ég mun nýta verandi nýgreind með AdHD og ofvirkni eins og að hafa sensory kit tilbúið fyrir hinar ýmsu aðstæður.
Mjög flott námskeið, so many accommodations. Really really loved it.
Vel uppbyggt námskeið. Svo margt sem kom jákvætt á óvart. Allskonar sem ég máta mig vel í. Mjög ánægð með faglegan kennara / leiðbeinanda.
Námskeiðið var fínt og styrkti mig í því að halda áfram að vera ég sjálf og vinna með mína kosti. Takk fyrir mig.
Fræðandi og gagnlegt.
Mér fannst ótrúlega gott að fá ákveðna viðurkenningu á því að sumir hlutir eru erfiðir fyrir mig og það er ekki bara ég að vera léleg.
Gagnlegt, hefur hjálpað mér að hugsa hlutina öðruvísi og hjálpa mér að skilja mig betur.
Námskeiðið opnaði vissar pælingar gagnvart lífinu og hvernig hægt er að nálgast það með sjálfið í forgangi.
Námskeiðið kom mér skemmtilega á óvart og þá aðallega þau bjargráð sem kennd voru og nýtast svo vel.
Námskeiðið er algjörlega frábært og ég þakka innilega fyrir það, það er búið að hjálpa mér mikið að skilja sumt í nýju samhengi 💞
Fannst námskeiðið áhugavert og tengdi mikið við það sem kom fram og var rætt.
Mjög gott, mikil ró, hæfilegur fjöldi kvenna og manni er tekið með opnum örmum.
Guðrún er með frábæra og kærleiksríka innsýn í málefnið.
Mér finnst námskeiðið hjálplegt.
Bara ótrúlega flott og skemmtilegt námskeið, spennt að nýta mér upplýsingarnar og verkefnin.
Námskeiðið kom mér skemmtilega á óvart og þá aðallega þau bjargráð sem kennd voru og nýtast svo vel.
Æðislegt og gagnlegt og fræðandi. Gott að hlusta á Guðrúnu Jóhönnu og hún útskírir vel.
Mér finnst Guðrún rosalega valdeflandi!
Fann loksins fólk eins og mig. Fannst ég ekki eins ein þegar ég var á námskeiðinu. Mjög gagnlegt. Takk fyrir mig.
Virkilega áhugavert og leidbeinandanum virkilega annt um vellídan og velgengni þátttakenda.
Mjög skemmtilegt og þægilegt námskeið. Frískandi að geta talað um svona hluti í fyrsta sinn við aðra en fjölskylduna.
Mjög gott námskeið, hjálpaði við að sjá að ég er ekki “ein” og að margir hlutir sem ég upplifi eru alveg eðlilegir.