Hlutverkastjórnun og
jafnvægi í daglegri iðju
Veldu þér hlutverk sem hafa jákvæð áhrif á heilsuna þína!

Farið er yfir áhrif streitu á taugakerfið, skynnæmi líkamans og hvaða bjargráð geta reynst gagnleg heima, í vinnu og tómstundum til að ná betri tökum á eigin líðan, heilsu og orkustjórnun gegnum ólík hlutverk með því að setja sér mörk við iðju.

​

Námskeiðið ætlað einstaklingum sem vilja efla heilsuna og andlega líðan með því að vera meðvitaðri um þau hlutverk sem dagleg iðja krefst af þeim til að geta valið, styrkt og mótað þau hlutverk sem eru þeim mikilvæg og hafa heilsueflandi áhrif á líðan þeirra til að öðlast meira jafnvægi í daglegri iðju og lífsgæði. Farið er yfir áhrif streitu á taugakerfið, líkamann og skynnæmi einstaklings og hvaða bjargráð geta reynst gagnleg heima, í vinnu og við tómstundir til að ná að stilla af taugakerfið til að ná betri orkustjórnun. Á námskeiðinu er farið yfir fræðsluefni og þátttakendur gera einstaklingsverkefni sem þau máta við sig sjálf og þau fá fullt af gagnlegum verkfærum til að nýta við þær breytingar sem þau takast á við. 

Þessir þættir geta styrkt einstaklinga til að sinna þeim fjölþættu hlutverkum sem fylgja fjölskyldu og heimili, vera á vinnumarkaði og að taka félagslega þátt í samfélaginu. 

Námskeiðið er 6 skipti í 4 vikur og hefst með einstaklingsviðtali í fyrstu vikunni og svo vikuleg fræðsluerindi í sal í 4 skipti í Lífsgæðasetrinu st. Jó Suðurgötu 41 í Hafnarfirði eða á netinu fyrir þau sem búa ekki á höfuðborgarsvæðinu í 2 klst í senn og lýkur með einstaklingsviðtali. Á meðan námskeiðið stendur yfir býðst þátttakendum að taka þátt vikulega í tímum á netinu 2x í viku með öndunaræfingum, slökunaræfingum, mjúku yogaflæði og núvitundaræfingum.

Námskeiðið hentar þeim sem eru að glíma við orkuleysi, skerta tímastjórnun, skipulagsvanda, rútínuleysi, flóknar félagslegar aðstæður, eru undir miklu álagi tengt heimili og fjölskyldu, hafa lent í kulnun, fengið covid eða eru að glíma við andleg eða líkamleg veikindi og eru að vinna að því að ná aftur heilsu og endurheimt. 

Á þessu námskeiði er kjarninn úr iðjuþjálfunarfræðum dreginn saman til að veita þátttakendum persónuleg bjargráð til að auka færni við daglega iðju og vinnu, félagslega þátttöku, draga úr streitu og hvetja til slökunar gegnum fræðslu og verklegar æfingar. Þátttakendur fá tækifæri til að máta sig við ólík hlutverk, styrkleika og bjargráð á námskeiðinu samhliða stuðningi við að yfirfæra það sem hentar þeim yfir á sitt eigið líf.

 

Námskeiðsgjald er 89.500 kr.

*Athugið að hægt er að kanna með styrki hjá stéttarfélögum.

​

Næstu námskeið:

- Miðvikudaga 20. maí til 10. júní 2026 milli kl. 13:00-15:00.

- Tuesdays English course 2nd - 23rd of June at 10:00-12:00.

Skráning fer fram hér

​

Umsagnir þátttakenda síðustu ára á námskeiðinu:

Sjálfsöryggi Guðrúnar smitast og veitir öryggi, það er létt yfir og gott orkuflæði. Að brjóta tímana upp með verkefnum hefur hjálpað mér að viðhalda athygli og efnið vekur mig til umhugsunar þau hlutverk/verkefni sem ég tók áður sem sjálfsögðum á autopilot. Takk fyrir gott námskeið og fleiri verkfæri í kistuna. 

 

Kennarinn var áhugasamur, fróður og hjálpsamur. Takk fyrir allt! 

 

Mjög ánægð með námskeiðið og þæginlegt að hlusta :) Hvetjandi og sé ég fram á að nýta mér efnið í minni vinnu að betri lífsgæðum :)

 

Frábært námskeið sem gaf mér fullt af verkfærum.

 

Fannst námskeiðið vera mjög gagnlegt, hefur haft góð áhrif á mig þegar kemur að sjálfstyrkingu, setja mörk, sjálfsmildi, hlutverkastjórnun og fleira. 

 

Námskeiðið var frábært með einkatímum. Hjálpaði mér að byggja ramma fyrir vinnu og persónulega.

 

Ekkert nema gott um þetta námskeið að segja, Var auðvelt fyrir mig að halda athygli sem er yfirleitt mjög erfitt fyrir þegar ég er á námskeiðum/fyrirlestrum.

 

Peppandi og jákvæð styrking. Öðlaðist þarna mörg góð verkfæri til að ná betri stjórn og yfirsýn á eigin lífi. Raunhæfar aðferðir sem ég held að geti gagnast mér vel kjósi ég að nota þær. 

 

Dásamlegt námskeið

 

Verkefnin sem unnin voru á námskeiðinu eiga eftir að gagnast mér mjög vel og er ég spennt að vinna þau áfram. 

 

Var ánægð með námskeiðið, það vakti mig til umhugsunar um ýmislegt.

 

Fínt og uppbyggilegt námskeið, ýmislegt gagnlegt sem kom fram bæði á glærum og í fyrirlestri. Mæli með þessu námskeiði.

 

Fengum verkfæri til að koma okkur af stað að skipuleggja betur. Mikilvægi svefnsins, hvíld og hafa gaman. 

 

Mjög flott námskeið . Hæfilega langt og vel farið í hlutina :) mæli mjög með !!!

 

Mjög fróðlegt og skemmtilega fram sett. Takk fyrir mig :) 

 

Guðrún er yndisleg og deilir hjálplegum ráðum sem ég kem til með að nýta mér.