Skynvitund - námskeið fyrir börn og foreldra

Námskeið ætlað börnum 9-13 ára og 14-18 ára sem líður t.d. ekki vel í skóla eða margmenni, eiga erfitt með svefn, matvönd, eru með skerta tilfinningastjórnun, lágt sjálfsmat, eiga erfitt með að vera í hóp og eiga fáa eða enga vini. Þau eru oft greind með skyldar raskanir en greining er ekki nauðsyn til að taka þátt í námskeiðinu.

Á námskeiðinu er farið yfir skynfæri líkamans, hlutverk skynjunar og áhrif hennar á líðan. Tækifæri gefst til að prófa ýmis hjálpartæki og gagnlegar aðferðir til að auka vellíðan og færni í aðstæðum og samskiptum. Aukin skynvitund stuðlar að meiri vellíðan og námskeiðið getur einnig reynst gagnlegt fyrir foreldra í að auka eigin skynvitund og vellíðan.

Námskeiðið er byggt á hugmyndafræði skynjunar og skynúrvinnslu (e. Sensory Integration theory), valdeflingar (e. empowerment), reynslunáms (e. Experiential learning) og sjálfseflingar og samkenndar (e. Self-compassion) þar sem unnið er með börn og foreldra í sitthvoru lagi og einnig saman í hverjum tíma. Farið er yfir fræðsluefni og æfingar til að ná betri skilning á viðbrögðum og líðan gagnvart ólíkri skynjun. 

Námskeiðið fer fram 1x í viku á þriðjudögum í Lífsgæðasetrinu St. Jó í Hafnarfirði, Suðurgötu 41 og er 10 skipti. Áður en námskeið hefst er innritunarviðtal og í lok námskeiðs samantektarviðtal, samtals 12 skipti.

 

 

 

 

 

 

 

 

Leiðbeinendur eru:
Guðrún Jóhanna Hallgrímsdóttir iðjuþjálfi (Heimastyrkur.is)
Þorkatla Elín Sigurðardóttir sálfræðingur (Hloduloftid.is)
 

Nánari upplýsingar og skráningu má senda í tölvupóst á netföngin gudrun@heimastyrkur.is eða hloduloftið@gmail.com 

 

Námskeiðið hefst 14. febrúar 2023 og lýkur í maí, verð: 150.000 kr.

Hægt er að nýta frístundastyrk barns til að koma til móts við kostnað námskeiðsins. Síðasti skráningardagur er 7. febrúar 2023.

Smellið hér til að skrá þátttöku á námskeiðið.

profil.jpg
Screen Shot 2022-07-24 at 12.52.12.png
Screenshot 2022-11-28 at 07.57.28.png
Screenshot 2022-11-28 at 07.58.53.png