Ökumat

 

Í samstarfi við eftirfarandi ökukennara framkvæmir Guðrún Jóhanna iðjuþjálfi ökumat út frá þörfum, 

- Sandra Lóa Gunnarsdóttir ökukennari er með beinskiptan bíl til prófunar og einnig er hægt að fá ökumat á eigin bíl.

- Guðbrandur Bogason ökukennari er með sjálfskiptan bíl til prófunar sem er með tækjabúnað fyrir fólk með hreyfihömlun. 

Ökumat fer fram með iðjuþjálfa og ökukennara og í kjölfarið er útbúin skýrsla með niðurstöðum matsins ásamt leiðbeiningum ef það á við.

​

Akstur er ekki síður mikilvægur þáttur í lífi margra og það getur reynst einstaklega erfitt að þurfa að leggja frá sér bíllyklana og fara að taka strætó eða nýta akstursþjónustu vegna heilsubrests eða minnisskerðingar. Áhrifaþættir á akstursfærni vegna hækkandi aldurs og breytinga á lífeðlislegri starfsemi líkamans eða ýmsra sjúkdóma geta orsakað það að t.d. viðbragðshraði vöðva minnkar, það hægist á úrvinnsluhraða í hugsun í óvæntum aðstæðum, breytingar á sjón eða skert sjónsvið, einkenni svima vegna t.d. breytinga á blóðþrýstingi, æðakölkun eða beinþynningu í hnakka, viðvarandi miklir verkir, gigtarsjúkdómar, aukaverkanir af lyfjum, skert áttun eða minnisskerðing.

 

Iðjuþjálfar sem framkvæma akstursfærnimat hafa það markmið að finna leiðir til að hjálpa einstaklingi til að halda áfram að keyra ef öruggar forsendur eru fyrir því. Iðjuþjálfar meta akstursfærni einstaklings til þess að koma með ábendingar um hvernig hægt sé að bæta öryggi við akstur t.d. með aðstoð viðeigandi hjálpartækja, breytingar á ökutæki eða breyttum akstursaðferðum eða –leiðum ef þess þarf. Akstursfærnimatið fer fram í ökutæki einstaklingsins og hentar vel fyrir þá sem vilja tryggja að þeir séu enn öruggir bílstjórar, þá sem eru að jafna sig eftir veikindi eða slys og fyrir þá sem eru að kljást við langtímaveikindi eða minnisskerðingu.